7 қаңтар күні Православие сеніміндегілер христиан дінінің басты мерекелерінің бірі –Рождество мерекесін атап өтеді. Бұл мереке о бастан өзара сыйластықтың нығаюына септігін тигізіп, адамдардың ертеңгі күнге сенімін орнықтырып келеді.
{jcomments on}Рождество мерекесіне орай қала әкімі Айбек Кәрімов Воскресен соборында болып, православ христиандар мен қала тұрғындарын құттықтап, шіркеуге жиналған қауымға бейбітшілік, бақ-ырыс пен береке тіледі.
— Ғасырлар бойы бұл мереке адамдар жүректеріне үнемі жақындарына деген махаббат, мейірімділік сияқты кіршіксіз сезімдерді ұялата отырып, бейбітшілік пен ізгілік сыйлап, ақ ниеттің қайнар көзі болып, адал істерге бастап келеді. Бұл мәңгілік құндылықтар барлық діндердің өкілдерін береке — бірлікте, сыйласымдылықты, түсіністікті сақтап ғұмыр кешуге негіз бола алады,- деді қала басшысы. Сондай-ақ Айбек Мүталапханұлы:
— Біздің еліміз әлеуметтік-экономикалық тұрғыда дамуымызды нығайта, барлық этнос арасындағы үйлесімділікті сақтай отырып, қарқынды түрде өркедеп келеді. Рождество мерекесінің аталып өтілуі гуманизм мен игі істермен тығыз байланысты. Бұл өзара көмек пен өзара түсіністікке аса үлкен мән беретін бүкіл халқымыз үшін маңызды. Төзімділік пен дінаралық келісім біз үшін негізгі басымдықтардың бірі болып табылады және Елбасы Нұрсұлтан Әбішұлы Назарбаев жариялаған «Нұрлы Жол» экономикалық Саясатының жүзеге асуы халқымыздың ойының бір жерден шығуымен және қоғамның біртұтастығымен тікелей байланысты. Бұл орайда біз қаламыздың әлеуметтік — экономикалық және рухани дамуына үлес қосып келе жатқан әрбір семейліктің еңбегін ерекше бағалаймыз ,- деп сөзін қорытындылады.
Воскресен соборының діни қызметшілері православ сенімінің өкілдері атынан қала басшысына көңіл бөліп, құттықтап келгені үшін алғыс айтып, ұзақ та бақытты ғұмыр тіледі. Қала басшысы Айбек Кәрімов Воскресен соборының настоятелі Феодор Проскуринге естелік сыйлық тарту етті.
Семей қаласы ішкі саясат бөлімінің ақпарат секторы.
