«Қасқалдақ» ойын — сауық отауының мүшелерімен қысқы демалысқа келген Т. Жүргенов атындағы Қазақ Ұлттық өнер академиясының студенттері Фархат Молдағали мен Нұрқанат Молдахан «Ауылымды сағындым» атты әдеби- музыкалық кешті Қайнар ауылындағы мәдениет үйінде дүбірлете өткізіп, тегін концерт қойды.
«Қасқалдақ» отауының өнеріне көптен сусындаған жұрт залға лық толды. ҚР Халық әртісі Маман Байсеркеұлының драма театр режиссеры сыныбында дәріс алып жүрген Фархат ауылдастарымен жүздесіп, киелі сахнада табиғи өнерімен сусындатты.
Фархаттың бірге оқып жүрген досы, өмірін өнерімен өрнектеген өрелі жас Нұрқанат та ауылымызға келіп, әсем әуезді әндерімен ауыл тұрындарын тәнті етті.
Олар оқытушылары ҚР Еңбек сіңірген қайраткері, профессор Д. Тұранқұлованың басшылығымен жаз айында Жапония елінің Хиросима, Нагасаки қалаларында сахналауға дайындап жатқан ақын, филология ғылымдарының докторы, профессор, жерлесіміз Бауыржан Жақыптың «Жан дауысы» поэмасының қойылымнан үзінді көрсетті. Қойылым көрермендер көзіне жас үйірді.
«Қасқалдақ» ойын-сауық отауының белді мүшесі Ербол Қадыров «Адамның төрт мінезі» әзілін шебер орындауымен баршаны бір күлдіріп алды. Концерт ерекше бір тартымдылыққа ұласты. Жалғас Имамов, Думан Төкенов орындағын ойнақы әуезді әндер тыңдармандарды ерекше әсерге бөлеп, шаттық сыйлады.
«Әкеден ұл тумас па, әке жолын қумас па» деген бабаларымыздың есте жүрер ойлы сөзі Фархатқа айтылғандай. Ол тегіне тартып туған, әке жолын қуған, сегіз қырлы, бір сырлы жас дерсің. Қысқа өмірінде өнер өлкесіне өзіндік қолтаңбасын қалдырған, кезінде «Қасқалдақ» ойын-сауық отауын және «Көңілді тапқырлар» клубын ұйымдастырған Ерландай әкесіне деген сағынышын ол өзінің жазған «Әке туралы поэзия», «Жан әке» өлеңдерімен жеткізді. Көпшілікті жүректері жырға, көңілдері ән мен сырға толы Фархат пен Нұрқанат қос дауыста «Туған ел» әнінің бесігінде тербеді.
{jcomments on}Бұл кештің өтуіне ат салысқан саз мектебінің ұстазы Ернап Сағындықов бірнеше күйді күмбірлете шертіп, баршаны желпіндірітіп тастады. Кеш соңында қайнарлықтардың ән ұранына айналған сазгер, ақын С. Қалыбековтың «Абыралым — Қайнарым» әні шырқалды.
Жерлестеріне кереметтей тамаша көңіл-күй сыйлағандарына ризашылық білдіру үшін сахна төріне Абыралы өңірі емхана бірлестігінің бас дәрігері Ә. Шахантаев, Семей қаласы әкімінің Абыралы өңірі бойынша штаттан тыс кеңесшісі Қайрат Бәкенұлы олардың өнерлеріне тәнті болғанына ризашылығын жеткізіп, шығармашылық табыстарға жетулеріне ақ тілегін білдірді.
Әке жолын ардақ тұтып, бала күнінен музыка аспаптарының әліппесін үйреніп, өнер бұлағынан сусындап, бойына жақсы қасиеттерді сіңірген Фархат Молдағали ауыл халқына келер жылы тағы да сахна төрінде үлкен концерттік бағдарламамен бас қосатынын жеткізді.
МҰЗ АЙДЫНЫНДА
Қайнар ауылындағы Бегалин атындағы жалпы орта білім беретін мектептің спорт алаңына мұз айдыны мен қардан сырғанақ жасалды. Бұл шаруаны атқаруға «көп көмегі — көл» дегендей барлық мекеменің басшылары мен ауыл азаматтары Нұрлан Шыныбаев, Қуат Әлібаев, Әсет Жексенбеков,Түсіпжан Қайроллиндер жанар — жағар майдан көмектесті. Сондай-ақ автокөліктерімен Әсет Нүркин, Сұңғат Оспанов мұз алаңына қар тасып, жеткізіп берді. Болат Ермеков трактормен қар үйіп, тиеп беруге қолғабысын тигізді. Өрт сөндіру пунктінің жігіттері А. Шыныбаев, С. Оспанов, С. Дүйсенбеков, Ө. Әнуарбеков бірнеше күн бойы мұз айдыны мен биік сырғанақтың айнадай жалтырап,теп — тегіс болуы үшін су тасып құйып,аянбай еңбек етті. Мектептің дене шынықтыру мұғалімдері мен оқушылар да қарды тегістеп жаюға атсалысты.
Биыл мұз айдынында балалар коньки теуіп, хоккей ойнап, қысқы демалыстарын көңілді өткізді. Кешкі мезгілде де балалардың бос уақытын тиімді өткізуі үшін мұз айдынында электр жарығы орнатылып,самаладай жанып тұр. Оқушылардың кешкілікте конькимен сырғанаған мәз — мейрам күлкісі естіліп жатады.
Қазима ҚАЖЫБЕКОВА, «Семей таңы» t-inden�Pml�aV�mt:normal’>Жүкті әйелдерді уақытында тіркеу, отбасын жоспарлау бо-йынша жұмыстар жүргізілуде. Жүкті әйелдердің скринингі «Перинаталдық орталық» МҚКК жанындағы медициналық-генетикалық консультациямен жатырішілік инфекцияларды, шарананың бойындағы туабітті ауытқуларды ерте анықтау мақсатында жүргізіледі.
Бала жасы ауруларын интеграциялай отырып, бақылау бағдарламасының енгізілуі үйдегі сәбилер өлімінің азаюына септігін тигізді. Пневмококтік инфекцияға қарсы екпе егу енгізілді, бір жасқа дейінгі барлық балалар уақытында егіледі, өкпе қабы-нуымен ауыру және олардан өлу деңгейінің көрсеткіштерінің төмендеуі байқалуда. Республикалық бағдарламаға сәйкес, балаларды вирусты гепатитке тексеру жүргізіледі, сондай-ақ, алғаш рет балаларды вирусты гепатиттен емдеуге тегін дәрілік препараттар бөлінді. Жаңа туған сәбилерді реанимациялауға, денсаулық жағдайын бақылауға арналған медициналық құрал-жабдықтармен, босандыру мекемелеріне арналған эксперттік кластағы УЗИ қондырғыларымен жабдықтау жүргізілді.
«2011-2016 жылдарға арналған Қазақстан Республикасында онкологиялық көмекті дамыту бағдарламасын» жүзеге асыру мақсатында «Oncology» ақпараттық госпитальдық жүйесі, «Семей қаласы аймақтық онкологиялық диспансері» МҚКК референс орталығы құрылды, иммунгистохимиялық зертхана мен амбулаториялық химиотерапия кабинеті, үш онкологиялық кабинет, алты маммологиялық кабинет, бір проктологиялық кабинет ашылды. Сұйықтық цитология аппараты сатылып алынды. 16 маман республикалық емханалардың және Кореяның, Словакияның, Белоруссияның, Ресейдің емханаларының базасында біліктіліктерін арттырды. Тағы бес маман Словакияда біліктіліктерін арттыруда.
Ұлттық скринингтік жүйе ауруларды ерте кезеңдерде анықтап, алдын алуға мүмкіндік береді. Халықтың мақсатты топтарының денсаулығының жағдайын бақылау бойынша 2014 жылдарға арналған бағдарламалар кешені енгізілді.
Сапалы медициналық көмекті ауылды жерлердің тұрғындарына жақындату мақсатында консультативтік-диагностикалық орталықтың қозғалмалы медициналық кешені бойынша мамандары 4200 адамды тексеруден өткізді. Кезектерді азайту және мамандардың қабылдауларын реттеу мақсатында қаланың амбулаториялы-поликлиникалық мекемелерінің тіркеу бөлімдерінде қосымша телефон нөмірлерін орнату бойынша жұмыстар жүргізіліп, электронды жазылу, қосымша алдын ала жазылуға арналған терезелер ашылды. Медициналық тіркеушілердің қосымша штаттары, пациенттердің өздерін-өздері жазуы, құжат айналымы мен денсаулық сақтау саласындағы мемлекеттік қызмет көрсетудің электронды түрлері енгізілді.
Қазіргі таңда емдеу-алдын алу мекемелері 18 республикалық бағдарлама аясында жұмыс жүргізуде. Сондай-ақ, алты портал: бекітілген тұрғындар регистрі, қан айналымы жүйесі аурулары, стационарлық аурулардың электронды регистрі және тағы басқалары жұмыс істеуде.
Алғашқы медициналық-санитарлық көмек штаттарына қосымша учаскелік медбикелердің, әлеуметтік қызметкерлердің және психологтардың қабылдануымен учаскелерде әлеуметтік көмек көрсетуді қажет ететін мақсаттық топтарды анықтау бойынша жұмыстар күшейтілген. Қаламыздың медициналық ұйымдары халық арасында, оқушылар арасында салауатты өмір салтын қалыптастыру бойынша, санитарлық-гигиеналық тәрбие беру, аурулардың алдын алу және зиянды әдеттерді жою бойынша жұмыстар жүргізуде.
Алдағы уақытта алғашқы медициналық-санитарлық көмек көрсетуді ары қарай дамыта түсу, жанбасылық кешенді нормативті енгізудің екінші кезеңін жүзеге асыру, алғашқы медициналық-санитарлық көмек көрсету деңгейіндегі алдын алу шараларын күшейту арқылы медициналық көмектің қолжетімділігін жетілдіре түсу көзделуде. Медициналық көмектің жалпы денсаулық сақтау жүйесі мен медициналық туризмнің дамуына инновациялық жобаларды енгізу мен озық технологиялар трансферті (Радиологиялық орталық пайдалануға берілгенде Cyclone 18/9 радиофармпрепараты, ПЭТ-КТ зерттеуі, ОФЭКТ-КТ зерттеуі, радиойодтерапия енгізіледі) жалғасын таппақ. Заманауи менеджмент әдістері, мемлекеттік секторда корпоративтік басқару қағидаттары енгізіліп, ұйымдарды ПХВ-ға ауыстыру жүзеге асырылып, мемлекеттік-жекеменшік серіктестігі дамып, ресурстарды сақтаудың тиімді механизмдері енгізілетін болады.
Сондай-ақ, алдағы уақытта «Ақпараттық Қазақстан- 2020» бағдарламасы аясында денсаулық сақтау саласының бірың-ғай ақпараттық жүйесінің дамуына көңіл бөлінеді.
ШҚО Денсаулық сақтау басқармасының Семей өңірінің ақпараты бойынша дайындағын
Мирас ҚҰСАЙЫН.
