2015 жылдың 20 наурызынан бастап «BEK AIR» әуе компаниясымен «Өскемен – Үрімші» бағытында чартерлік әуе рейсі ашылмақ.
{jcomments on}Шығыс Қазақстан облысы жолаушы көлігі және автомобиль жолдары басқармасынан хабарлағандай, әуе бағдарының жиілігі – аптасына 1 рейс (жұма күні барып — қайту бағытында). Ұшақ Өскемен қаласынан сағат 9.30-да шығып, Үрімші қаласына сағат 12.55-те қонады (Үрімші уақыты бойынша). Сол күні Үрімші уақыты бойынша, ұшақ сағат 14.55-те Үрімшіден ұшып, сағат 14.25-те Өскемен қаласына келіп қонады (Астана уақыты бойынша).
Өскеменнен ұшып шығатын біржақты билет бағалары эконом-класта 40 мың теңге, бизнес-класста 55 мың теңге тұрады. Ал ұшақтың ұшуына 14 немесе одан да көп күн мерзімде «барып – қайту» билетінің бағалары эконом-класта 69 мың теңге, бизнес-класта 84 мың теңге құраса, 14 күндік мерзімнен аз уақытта, сәйкесінше, 79 мың және 94 мың теңге болады.
Айта кетерлігі, қос қаланың арасында жолаушыларды 85 орындық «Fokker 100» әуе ұшағы тасымалдайды. Сондай-ақ, аталмыш әуе рейсін ҚХР аумағындағы өзге де әуе рейстерімен түйістіру жұмыстары жоспарлануда.
ШҚО Ақпараттық орталығы.
