Мемлекет басшысы тағы да сарабдал саяси жол ұсынды. Үкіметтің кеңейтілген отырысында айтылған Президенттің сөздері қарапайым халыққа жігер берді. Елбасымыз әлемдік дағдарысты айналып өту жолын көрсетті. Атап айтсақ, Нұрсұлтан Назарбаев әр өңірде жұмыспен қамтылуға ықпал ету бағдарламалары әзірленуі тиістігін тілге тиек етті. Сондай-ақ еңбек дауларын дер кезінде шешу ісінің маңыздылығына назар аударып, кәсіпорындарда жұмысшыларды қысқартпау, қысқарған жағдайда өзге жұмысқа орналастыру керектігін тапсырма етіп әкімдерге жүктеді.
{jcomments on}Білім беру және денсаулық сақтау салаларында жаңғыру жұмыс- тары жүргізілетінін, «Балапан» бағдарламасын жүзеге асыруды, орта білім бойынша жан басына қаржыландыру тәртібіне көшуді және 12 жылдық білім беру моделіне біртіндеп өтуді жалғастыру қажеттігін Мемлекет басшысы тапсырма етіп қойды.
Кеңесте Елбасы ағымдағы жылы Индустрияландыру картасы жобаларын жүзеге асырудың жалғасатынын, оның аясында құны 600 миллиард теңгеден асатын 7,5 мыңнан астам тұрақты жұмыс орындарын ашуға мүмкіндік беретін 75-тей жобаны іске қосу жоспарланғанын айтты. Бұл тағы да елдің сенімін нығайта түсті.
Мәселен, Елбасының «Мемлекет барлық қажетті қолдау тетіктерін ұсынып отыр. Қаражат бөлінді, жағдай жасалды. Бәрінің дереу жұмысқа кірісуі қажет. Үкіметтің әрбір мүшесінен, әкімдерден нақты нәтижелер талап етіледі» деген сөзін әлемде болып жатқан жағдайларды тереңнен ойлап, халықтың жағдайын жасап жатқандығы деп білуіміз керек.
Елбасының сарабдал саясатының арқасында барлық салада серпін болатындығына, халық тұрмысы тұраламай, ауқаттана түсетіндігіне, әр қазақстандықтың мемлекет тапсырмасын орындауға атсалысатындығына сенімдіміз.
Амантай ДОҒАЛАҚОВ,
Семей қаласы ардагерлер кеңесінің төрағасы.
