Өткен аптада еліміздің барлық өңірлерінде Кеңес жауынгерлерінің ауған жерінен шығарылғанына 26 жыл толуына байланысты арнайы мәдени шаралар өткізілді. Сол заманда азаматтық борышын Ауған жерінде өткізген зайсандық соғыс ардагерлерінің құрметіне арналған іс-шаралар жиналған жұртшылықты ерекше әсерге бөледі. Аудандық ішкі саясат бөлімінің ұйымдастыруымен өз жалғасын тапқан кездесу Ауған соғысы ардагерлеріне арналған ескерткіштің жанынан бастау алды.
{jcomments on}Тарих парағында қатталған 1979-1989 жылдары небәрі 18 бен 19 жастың аралығында болған жауынгерлер бүгінде ер жасы елуді еңсеріп, асқаралы ал-пысқа қарай қадам басқан. Мемлекеттік Әнұран орындалғаннан кейін, жиналған қауымды аудан әкімі Алмас Оңдақанов айтулы күннің маңыздылығынан хабардар етіп,тарихи деректерге тоқталды. Өмірден өткен жа-уынгерлерді бір минут үнсіздікпен еске алды. Ауған жерін дұшпандардың басқыншылығынан азат етуге қатысқан ауған жауынгерлеріне мықты денсаулық, бақытты өмір тіледі.
— Сол кезде туған жерінен Отан алдындағы борышын өтеуге аттанған 18 -19 жастағы бозбалалар қолдарына қару ұстап, өмір мен өлім белдескен қанды шайқастың бел ортасында жүрді. Олардың мақсаты интернационалдық парызын абыроймен өтеу болғаны шындық. Сөйтіп, олар бейкүнә халықтың тыныштығын қорғады, -деді Алмас Аманқолұлы.
Сол секілді аудандық Ардагерлер кеңесінің төр- ағасы Т. Мырзаханов өзінің ізгі тілегін білдірді.
Ауған соғысы жауынгерлеріне арналған ескерткішке гүл дестелері қойылды. Одан кейін Зайсандағы 2017 әскери бөлімінің клубында Ауған жауынгерлерін шекарашылар атынан командирдің орынбасары Иман-баев құттықтады. Қонақтардың құрметіне дайындалған концертке жиналған қауым қошеметпен қол соқ-ты. Әскери бөлімнің әншілерінің орындауында тамылжыта шырқалған әсем әндер, өткен күннің шежірелі парағынан сыр шертіп, ширек ғасыр өтсе де, батырлық пен ерліктің үлгісін көрсеткен жауынгерлердің өткен өмір жолдары дәріптелген бейнекөріністер Ауған жауынгерлерін ерекше әсерге бөледі. Мерекелік дастарқан басына жиналған интернационалист-жауынгерлер Ауған жерінде өткен күндерін еске алып, естеліктерін ортаға салды.
Ардақты БӨЛДЕКБАЕВА,
«Семей таңы»
