Семейлік зейнеткерлер Қазақстан халқы Ассамблеясының Кеңесі көтерген кезектен тыс Президент сайлауын өткізуді толықтай қолдайды. Ел ішінде қызу талқыланған мәселеге қатысты Елбасымыз Н.Назарбаев Қазақстан халқына Үндеуін жариялады. Өзім осы мәселеге қатысты Елбасы мәлімдемесін үлкен тебіреніспен тыңдадым.
{jcomments on}Тәуелсіз еліміз бүгінде қарқынды дамып келеді. Қазіргі уақытта кез келген ел азаматы үшін қалаған ісімен айналысуға мүмкіндік бар. Еш жерде шектеу жоқ. Мұның барлығы елдегі бірлік пен татулықтың, ынтымақтың арқасы деп айтар едім. «Елбасы біреу – халқы оған тіреу» деген даналық сөзден тағылым алғанымыз жөн. Біз тәуелсіз Қазақ елінің іргетасы қаланған күннен бастап Елбасы Н.Назарбаевтың ел болашағы үшін жасаған еңбектеріне куә болып келе жатырмыз. Қазір де әрбір салада атқарылып жатқан жұмыстарды мақтанышпен айтуымызға болады. Мұның барлығы елдегі бірлік пен дамудың арқасы деп бағалаймын.
Соңғы жылдары әлемде түрлі жағдайлар орын алып жатыр. Халықаралық шиеленістер артып, жаһандық экономикалық дағдарыс күшейе түсті. Сол үшін бізге ішкі саяси тұрақтылық пен Елбасы айтқан әлемнің озық отыз елінің қатарына енетін стратагиясын, биылғы «Нұрлы жол» бағдарламасын орындауға қолдау көрсетуіміз қажет. Жалпы, Елбасының сындарлы саясаты мен көшбасшылығының арқасында Қазақстан өзінің дамуы мен қалыптасуында барлық қиындықтарды лайықты еңсере білді деп айтқым келеді.
Қонысбек ҚАБЫШЕВ,
зейнеткер, Семей қаласы.
