«Нұр Отан» партиясы Тарбағатай аудандық филиалы және «Жас Отан» ЖҚ-ның ұйымдастыруымен «Кедергісіз келешек» жобасы аясында Ақсуат ауылдық округі әкімшілігімен бірлесе мүмкіндігі шектеулі және мүгедек жандарды ауылдың орталық саябағында серуендетіп, көңілдерін көтеріп қайтты.
{jcomments on}Жоба мақсаты – мүмкіндігі шектеулі жандарды тұрақты жұмыс орындарына жұмысқа орналастыру, сондай-ақ мүмкіндігі шектеулі жандар үшін «кедергісіз аймақтар» құру. Сонымен қатар мүгедектер құқығын тиімді жүзеге асыру үшін құқықтық алаң қалыптастыру, халықты ақпараттандыруды арттыру және қоғам санасында мүмкіндігі шектеулі адамдарға жағымды көзқарас қалыптастыру, инклюзивтік білім беруді дамыту болып табылады.
Мүмкіндігі шектеулі және мүгедек жандардың қоғамдағы атқаратын рөлі, мемлекеттің үнемі қамқорлығында болатынын сезінуі және оларға назар аударылып отыратынын біліп жүрулері біз үшін қуанарлық жағдай екені сөзсіз.
Дархан КӘРІБАЕВ,
Тарбағатай ауданы.
