«Семей таңы-Вести Семей» газетінің меншік иесі (ары қарай — газет) «Семей таңы-Вести Семей» газеттері» ЖШС 2015 жылдың 26 сәуір күні Қазақстан Республикасы Президентінің сайлауына қатысушы үміткерлерге сайлауалды үгіт-насихат материалдарын жариялауға баспа беттерін берудің шарттары туралы хабарлайды.
Газет беттерін берудің жалпы шарттары мен тәртібі
Газет үгіт-насихат және ақпараттық баспа материалдарды орналастыру үшін баспа беттерін береді.
Газет 0,1 баспа бетінен көп емес көлемдегі үгіт-насихат материалдарын орналастыруға баспа беттерін береді. Газеттің баспа беттерін беру Қазақстан Республикасының Президенттігіне үміткерге үгіт-насихат және ақпараттық баспа материалдарды орналастыруға баспа беттерін беру туралы газеттің меншік иесімен жасалған жазбаша келісім шарттың негізінде жүзеге асырылады. Келісім-шарт пен қосымша құжаттардың үлгісі (формасы) төмендегідей жазбаша өтініш берілген жағдайда беріледі. Үміткердің /сенімді өкілдің газетпен баспа беттерін беру туралы келісімшартқа қол қоюы үміткердің/ сенімді өкілдің газеттен сай-лауалды үгіт-насихатқа байланысты қызметтерді алуға келісім беруі болып табылады. Мұндай келісімшартқа қол қою үшін үміткер /сенімді өкіл газеттің меншік иесіне мынадай ақпараттар көрсетілген жазбаша өтініш береді:
1) Тіркеу нөмірі, жазбаша өтініштің күні мен уақыты;
2) Өтініш беруші үміткердің аты-жөні, әкесінің аты /сенімді өкілдің аты-жөні, әкесінің аты;
3) Тұлғаның жазбаша өтініш беруге құзыреттілігін айғақтайтын құжаттар: үміткердің жеке куәлігі /сенімді өкілдің жеке куәлігі, құзыретті мемлекеттік орган тарапынан берілген үміткердің куәлігі/ сенімді өкілдің куәлігі, Қазақстан Республикасының заңнамасына сәйкес басқа да құжат;
4) Үгіт-насихат материалдарын орналастыру жоспарланған баспа беттерінің көлемі көрсетілген жазбаша өтініштің мазмұны;
5) Үміткердің немесе сенімді өкілдің қолы.
Газет жазбаша өтініштерді 2015 жылдың 20 наурызынан бастап 2015 жылдың 20 сәуіріне дейін сағат 10.00-ден 17.00-ге дейін, демалыс күндері мен мереке күндерінен басқа күндерде, Шығыс Қазақстан облысы, Семей қаласы, Интернационал көшесі, 12 мекенжайы бойынша қабылдайды.
Жазбаша өтінішке онда сілтеме жасалған құжаттардың көшірмелері қосылады. Жарияланымдарда олардың ақысының төленуі туралы, материалдардың жариялануына жауапты адамдар туралы, қаржыландыру көздері туралы, ақпарат беруші тұлғаның аты-жөні туралы ақпарат жазылады.
Баспа материалдардың жариялану тәртібін газет жазбаша өтініштердің келіп түсу ретіне сәйкес бекітеді. Бірнеше үміткерден /сенімді өкілден өтініштер бір кезде түскен жағдайда, сол күні газетпен жеребе тарту өткізіледі. Жеребе тартуға баспа материалдарын жариялау ретіне үміткерлер немесе үміткердің мүддесіне өкілдік етуші сенімді өкіл және тәуелсіз тараптың өкілі ретінде баспасөз құралдарының өкілі қатысады. Әрбір үміткерге /сенімді өкілге ішіне баспа материалын жариялаудың күні жазылған арнайы қағаз салынған жабық бір-бір конверттен таңдау мүмкіндігі беріледі. Конверттердің саны бәске қатысушылардың санына тең. Жеребе тартудың қорытындысы бойынша бәске қатысушылар мен Бұқаралық ақпарат құрадарлының өкілі жеребе тартудың хаттамасына қол қояды. Жеребе тартудың қорытындылары (хаттаманың көшірмесі) сәйкес сайлау комиссиясына ұсынылады.
Үгіт—насихат ақпараттық баспа материалдарды беру тәртібі
Үгіт-насихат баспа материалдары газетке Қазақстан Республикасының «Қазақстан Республикасындағы сайлау туралы» Конституциялық Заңының 28-ші бабының 3-ші тармағында көрсетілген көлемде газеттің меншік иесімен баспа беттерін беру туралы келісімшартқа қол қоюға өкілетті тұлғаның қолымен беріледі.
Үгіт-насихат және ақпараттық баспа материалдар газетке модульдер немесе мақалалар түрінде беріледі.
Үгіт-насихат және ақпараттық баспа материалдар газетке газеттің шығуына дейінгі 5 (бес) күнтізбелік күн бұрын беріледі.
Газет мазмұнында конституциялық құрылымды күшпен өзгертуге, Республиканың біртұтастығын бұзуға, мемлекет қауіпсіздігіне нұқсан келтіруге, әлеуметтік, нәсілдік, ұлттық, діни, қауымдық, рулық араздықты туғызуға, қатыгездік пен зорлық-зомбылық культін насихаттауға және заңнамада қарастырылмаған әскерилендірілген құрылымдар құруға шақыру идеялары бар екені байқалған жағдайда және заңнама бойынша қарастырылған басқа да негіздермен үгіт-насихат және ақпараттық баспа материалдарын қабылдаудан бас тартуға құқылы.
Газеттің баспа беттерін бергені үшін төлеу көлемі мен тәртібі
Үгіт-насихат және ақпараттық материалдарды жариялау үшін баспа беттерін беру ақысының көлемі мынадан құралады:
* Журналистік жарияланымдар берілген беттерде модульді орналастыру үшін ҚҚС қосқанда 1 шаршы сантиметрге 210 (екі жүз он) теңге;
* Журналистік жарияланымдар берілген беттерде мақаланы орналастыру үшін ҚҚС қосқанда 1 шаршы сантиметрге 210 (екі жүз он) теңге.
Төлем газет ұсынған есепшот негізінде мұндай есепшот ұсынылған күннен бастап 5 (бес) күн ішінде жүзеге асырылады.
Төлем газеттің баспа беттерін беру туралы сәйкес келісімде немесе есепшотта көрсетілген газеттің банктік реквизиттеріне жасалады.
«Семей таңы» — «Вести Семей» газеттерінің
Директор — Бас редакторы Р. МОЛДАШЕВА
