Ағымдағы жылдың 11 ақпанындағы Үкіметтің кеңейтілген отырысында «Қазақстанда жасалған» жалпы ұлттық акцияны іске асыруды ұсынып, «Барлық қазақстандықтар осындай қиын жағдайда қазақстандық тауарларды сатып алсын. Бұл Қазақстанның экономикасына көмек болсын», — деген болатын Елбасы.
{jcomments on}Бұл тұрғыда Бородулиха ауданына қарасты Новопокровка ауылында «Нұр Отан» партиясының белсенділері мен кәсіпкерлер бас қосты. Жиын барысында Талғат Жаймұхамедов кәсіпкерлерді акцияны қолдауға шақырып, азық-түлік кәрзеңкесіне енген азық-түліктің көп бөлігі Қазақстанда өндірілетіндігін айтты.
«Лада» шаруа қожалығының басшысы А.Романов новопокровкалықтар жергілікті жердің өнімдерін таңдайтындығын, себебі олар сонымен отандық өндірушілерді және жалпы қазақстандық экономиканы қолдайтынын білдірді. Қажетті ақпараттардан құлағдар бол- ған кәсіпкерлер отандық тауар өндірушілерді қолдау акциясын бірауыздан қолдайтындықтарын және тауарларды «Қазақстанда жасалған» деген жазумен түсті баға көрсеткішпен белгілей-тіндіктерін жеткізді.
А. АЙТУҒАНОВА,
Новопокровка ауылдық округінің бас маманы,
Бородулиха ауданы.
