«Гүлденсе ауыл — гүлднеміз бәріміз» демекші, Тарбағатай ауданында ауылдарды көркейту-көгалдандыру, гүлдендіру жұмыстары соңғы бірер жылдың ішінде мықтап қолға алынған игілікті іске айналды. Қазірде бау-бақшаға жеміс ағаштарынан бастап тал-теректің алуан түрін егу, қылқан жапырақты ағаштер әкеліп отырғызу, аулалар мен көпшілік дем алатын саябақтарды, жол жиектерін гүлдендіру жұмыстары жоғары деңгейде жүреді. Аудан әкімі Ділдабек Оразбаев тікелей бақылауына алып, қадағалап отыратын осы саладағы жұмыстар қанатын кеңге жайды. Мысалы, Ақсуаттағы «Мәңгілік Ел» алаңы, Бәйтеректің төңірегі биыл тіпті былтырғыдан да құлпырып, жайнап кеткелі тұр.
{jcomments on}Жуырда Ақжар ауылында өткен бір жиында аудан басшысы Ділдабек Тәжібайұлы күн тәртібінде қаралған мәселелерге байланысты алда тұрған міндеттерді саралай келе, дәл осы тақырыпқа арнайы тоқталып, ауылдарды көркейту жұмысының маңыздылығын ерекше атап өткен еді. Ауылды гүлдендіру проблемаларын шешуде Ақжар ауылдық округінің әкімі Асқар Боғырбаев ұйымдастырып отырған жұмыстар басқа ауылдардың басшыларына үлгі ретінде ұсынылды.
Шындығы керек, былтыр гүлді алыстан тасып әкеліп еккен едік. Аудан басшысының мәлімдеуінше, биыл жағдай мүлде басқаша, аудан бойынша жүз мың түп гүл көшеттері әзірленген. Жылыжайлар, парниктер гүлге толып тұр. Тағы бір мысал, Ақжардағы аудандық мәслихаттың депутаты Алмагүл Құсайынова басқаратын «Балауса» балалар бақшасындағы жылыжайда да басқа көкөністермен қатар, құлпырып өсетін гүлдердің бес-алты түрі бар екен. Өзі тәжірибелі ұстаз Алмагүл Шүренқызы Өскемендегі жылыжай шаруашылықтарымен тығыз байланыста жұмыс істеп, осы саланың қыры мен сырын, ғылыми негізін меңгеріп алған көрінеді. Алмагүлдің екінші мамандық алдым деуінің себебі гүл өсіруді тереңірек зерттеп, үйренуінде болса керек.
Аудан әкімі Ділдабек Оразбаев жиынға қа-тысқан мырзалардың бәрін сол балабақшадағы жылыжайға ертіп барып, онда жасалып жат-қан тірліктермен таныстырды. Мұнда жылыжайдың жұмысын жолға қоюға бақшадағы жұмысшы-қызметкерлер жаппай жұмылды-рылған. Нүрзия Ниязбекова, психолог Гүлнара Шоманова, тәрбиеші Гауһар Шағиева және басқалар жылыжайдағы жұмыстардың сапалы атқарылуына өз үлестерін қосып жүр.
Саябақтар мен алаңдарды гүлдендіру бұл күнде Тарбағатайда қызып тұр. Мысалы, алыс-тағы Жетіарал ауылының тұрғындары да намысты қолдан берер емес.
— Жетіарал ауылдық округінде биыл аудан әкімінің тапсырмасы бойынша ауылды абаттандыру жұмыстары ойдағыдай атқарылуда. Әлеуметтік нысандардың маңайына 105 түп шырша, 200 қарағаш пен терек, үйеңкі, 135 шынар мен қайың, 315 раушан гүлін, 1270 түп петунья гүлін егуді межелеп отырмыз, — дейді ауыл әкімі Серік Қажиекберов.
Хамза СӘТИЕВ,
«Семей таңы»
