Жуырда «Бір Тағдыр! Бір Отан! Бір Елбасы» акциясы аясында Шығыс Қазақстан облыстық медицина қызметкерлері 9 түрлі мамандық бойынша Аягөз ауданының сырқаттанған тұрғындарына қабылдау жүргізді. Білікті де тәжірибелі мамандар қажет болған жағдайларда, науқастарға ота жасап, аудандық ауруханада жұмыс істейтін әріптестеріне тәжірибелік көмек көрсетті.
{jcomments on}Дәрігерлер тобының құрамында ШҚО денсаулық сақтау басқармасының штаттан тыс кардиолог, хирург, кардиохирург, функционалды диагностика, невропатолог, гинеколог, ортопед-травматолог дәрігерлері сырқаттарға қабылдау жасап, ішкі ағзаларға диагностикалық тексерулер (УДЗ,эхокардиограмма) жүргізді. Осы күндері дәрігерлер жалпы саны 448 адамға көмек көрсетіпті. Қабылдаудан өткендердің ішінде 42 адам ары қарай толық тексерілуге облыстық диагностикалық орталықтарға жіберілді. 1 адам Астана қаласының диагностикалық орталығына жіберілсе, 6 адамға мүгедектік тобын анықтауға жолдама берілген. Ал 10 тұрғын облыстық аурухана жағдайында ота жасауға жолдама алды.
Облыстық хирург дәрігерлер ауруханада 22 адамға, ал акушер-гинеколог дәрігерлер 11 адамға ота жасап, науқастардың сырқаттарынан толық айығып кетулеріне септіктерін тигізді.
Әдетте, мұндай шаралар ұйымдастырғандарға халық ризашылығын білдіріп жатады. Бұл жолы да солай болды. «Бір Тағдыр! Бір Отан! Бір Елбасы» акциясының арқасында аягөздіктер медициналық көмек көрсеткендері үшін облыстық медициналық мекеме дәрігерлеріне алғыстарын айтып, еңбектеріне жеміс тіледі.
Аягөз ауданы ішкі саясат бөлімі.
