Жас ұрпақты патриотизмге тәрбиелеу, туған жерін, өз елінің келешегі және бүгінгі қаһармандарын мақтаныш етуге, соғыс ардагерлерінің ерлігін құрметтеуге тәрбиелеу мақсатында Жеңістің 70 жылдық мерекесі күніне байланысты Бегалин атындағы жалпы орта білім беретін мектепте тәлімгер П. Шыныбаеваның ұйымдастыруымен «Патриоттық әндер байқауы» өтті.
{jcomments on}Байқауға қатысушыларға мектеп директоры Б. Сарсенбеков құттықтау лебізін жеткізіп, балалардың өрісті өнерлеріне сәттілік тіледі. Патриоттық әндер байқауына 1 — 7 сынып оқушылары арасынан ән айтуға қабілеті бар өрендер қатынасып, соғыс жылдарындағы тартымды әндерді және кең-байтақ Қазақстанымыз және сарбаздар туралы жазылған әсем сазды әуендерді орындады. Патриоттық әндер байқауының қорытындысында ән орындау шеберлігімен Сұңғат Рақышев «Қазақ елі» әнімен бас жүлдені жеңіп алды. Бірінші орынды «Елім-ай» әнімен Аружан Амангелдиева, «Катюша» әнімен Мерей Сырымұлы, Гүлшат Қабденова және «Соғыстан қайтқан солдаттар» әнімен Бота Үкертаева екінші орынды иеленді.
Ал «Отан» әнімен Ерсін Мұхтаровқа және «Қазақ жігіттері» әнімен Ерназ Аманғазиновқа үшінші орын бұйырды. Осындай іс-шара ұйымдастырылғаны үшін, ата — аналар да ризашылық лебіздерін білдірді. П. Шыныбаева патриоттық әндер байқауын өткізуге демеушілік көмек көрсеткен ауылымыздың кәсіпкерлері Жақсылықов, Иманқұлов, Шәріпхановтарға мектеп әкімшілігі атынан алғыс хат табыстады.
Қазима ҚАЖЫБЕКОВА,
«Семей таңы»
