Аймақ басшысы білім беру мен денсаулық сақтау мекемелерін сүт және сүт өнімдерімен қамтамасыз ету мәселесін арнайы жиында қарады.
{jcomments on}Облыс әкімі Даниал Ахметов жуырда білім беру мен денсаулық сақтау мекемелеріне сүт және сүт өнімдерін жеткізу мәселесі жөнінде арнайы жиын өткізді. Оған жауапты басқармалар, сүт зауыттары басшылары және қалалар мен аудандар әкімдері бейнеконференция режимінде қатысты.
Облыстағы денсаулық сақтау саласында ағымдағы жылы сүт және сүт өнімдерін алу бойынша 175 млн. теңгенің келісім шарты жасалған болатын. Ал аймақтағы білім беру мекемелері болса 1 млрд 479 млн. теңгенің өнімін сатып алған.
Қазіргі таңда облыс мектептерінің шамамен 26 % сүтті кәсіпкерлерден сатып алады. Алайда, олардың көпшілігі сүтті өздері өңдеуден өткізбейді, тек делдалдық қана жасауда.
Аймақ басшысы мұндай ұйымдармен келісім шарт жасауға жол бермеу керектігін атап көрсетіп, сүт өңдеумен айналысатындармен ғана жұмыс істеу қажет екенін жеткізді. Ал олар өнімді тұтынушы мекемеге тікелей жеткізіп, барлық санитарлық нормалар мен стандарттарды сақтайтыны белгілі.
Облыс әкімінің баспасөз қызметі.
