Cейсенбі күні православие халқы өздерінің діни мерекесі — Рождество мейрамын атап өтті. Еліміздегі бұл мереке күнтізбеде демалыс күні ретінде саналады.
7 желтоқсан күні қаладағы Воскресенск шіркеуінің қоңы- раулары таң алакеуімде соғылып, елеулі мерекенің бастал-ғанын паш етті.
Жалпы христиандықтың бұл тармағы дәстүрлі басқа діндермен бірге жергілікті халықтың басты ұстанымы болды. Ал Тәуелсіздік алғаннан кейінгі аралықта еліміздің ішкі тұрақтылығын нықтауға үлес қосып келеді.
Рождество мейрамына орай шіркеудегі мереке рәсіміне жи-налған көпшілікті қала әкімі Айбек Кәрімов арнайы келіп құттық-тады.
«Православие – біздің тарихымыздың ғана емес, мәдениетіміздің де бір бөлшегі. Біздің елімізде Рождество мейрамы үйлесім мен өзара түсіністікті бейнелейді. Болашаққа деген сенімді нығайтып, мейірімділікке шақыратын осынау діни мереке әр отбасына, ортақ Отанымызға береке-бірлік әкелсін» деп тілек білдірген қала әкімі барша шіркеуге келушілерді христиан халқының ерекше мейрамымен құттықтады.
Ал ғибадат үйінің дінбасшысы Федор Проскурин қала әкіміне бұл сапары үшін көпшілік атынан зор алғыс білдіріп, естелік ретінде шіркеу атынан христиандардың қасиетті жазбасы Тәурат кітабын сыйға тартты.
Сондай-ақ, жиналған қауым алдында Астана және Алматы Орыс православие шіркеуі епархиясы митрополитінің рождестволық құттықтау хаты да оқылды. Онда отбасылық құндылықтарды сақтап, адам жүрегін ізгілік нұрына бөлейтін бұл мереке еліміздегі әрбір жанұяға бақыт пен береке әкелсін деген тілек айтылыпты.
Сонымен қатар, семейлік көпшілікті құттықтаған облысымыздағы православтардың дінбасшысы Амфилохий әкей де арнайы тілегі жазылған жеделхат жіберіпті.
Мерекелік лебіздерден соң Құдай есімін ұлықтайтын діни әуендер орындалып, рождество рәсімі басталып кетті.
Қуаныш ЖОЛЫМБЕТ,
“Семей таңы”
