Валюта бағамының көтерілуі, әлемдік дағдарыстың орын алуы барлық адамдарға ой салғаны анық. Неге десеңіз, барлық мемлекеттердің үнемшілдікке көшіп жатқан жайы бар. Негізінен, бұл құбылыс барша халықты барға қанағат қылуға да шақырған сыңайлы. Дегенмен әлемдік дағдарыстың елімізді айналып өтпейтіні белгілі. Алайда талай қиындықтан жол тапқан Қазақстанның бұл жолы да тұғырдан таймасы анық. Тек көп ұлтты елімізді мекен еткен халықтың ауызбіршілігі мықты болуы керек.
{jcomments on}Әлемдегі және еліміздегі бірқатар экономистер валюта бағамының көтерілуі пайдалы екенін де айтып, өздерінің пікірлерін білдіруде. Мемлекет басшысы да қандай қиындықтарға қарамастан елдегі әлеуметтік маңызы бар азық-түлік тауарлары бағасының себепсіз көтерілмеуін қатаң тапсырған болатын. Қазіргі таңда тиісті органдардың жауапты мамандары баға тұрақтылығын бақылауда ұстап, сауда дүкендеріне үнемі рейд жүргізуде. Сондықтан қазақстандықтарға алаңдайтын негіз жоқ.
Бұл дағдарыстың да өз кезегінде жұртшылықтың жұдырық болып жұмылып, береке-бірлікте болуының, ұйымшылдықпен атқаратын жүйелі жұмыстар мен еселі еңбектің арқасында артта қалатыны анық.
Дариға ДАИРОВА,
«БЖЗҚ» АҚ Семей өңірлік филиалының директоры,
Семей қалалық мәслихатының депутаты.
