Тілдерді дамыту мен қолданудың 2011-2020 жылдарға арналған мемлекеттік бағдарламасын жүзеге асыру аясында жарияланған «Мемлекеттік тіл және БАҚ» атты облыстық конкурс өз мәресіне жетті. Аталмыш конкурстың «Үздік басылым» аталымы бойынша «Семей таңы» газетінің редакциясы жеңімпаз атанды.
{jcomments on}Айта кету керек, ғасырға жуық тарихы бар байырғы басылым «Семей таңы» газетінде қоғамдық-саяси, рухани-мәдени тұрғыдағы ақпараттар мен танымдық-тағылымдық мақалалардың жариялануымен қатар, мемлекеттік тілдің мәртебесін өсіру, қазақ тілінің қолданыс аясын кеңейту, сауатсыз жарнамалармен күрес жүргізу мақсатында тұрақты айдарлар жарыққа шығып тұрады. Осы ретте газетте көше жарнамаларындағы келеңсіздіктерді көпке көрсету мақсатында «Тіл сақшысы» айдары ашылып, қалың оқырманның қолдауына ие болған еді.
«Тіл сақшысы» айдарында жарияланған көше бойындағы қазақ тіліндегі сауатсыз жарнамалар, мағынасыз аудармалар конкурс комиссиясының шешімімен үздік деп танылған. «Үздік басылым» атанған «Семей таңы» газетінің редакциясы ШҚО тілдерді дамыту жөніндегі басқармасының басшысы А.Шаймардановтың арнайы дипломымен марапатталды.
«СТ»-ақпарат».
