ШҚО бойынша 570 мың гектардан астам дәнді — дақыл жиналды. Оның ішінде бидай 379 мың гектарды құрайды. Сондай—ақ қазіргі таңда азықтық және майлы дақылдарды жинау науқаны аяқталуға жақын қалды.
{jcomments on}Күзгі жиын – терім жұмысының барысы облыс әкімі Даниал Ахметовтің төрағалығымен өткен кеңейтілген аппараттық кеңесте қа-растырылды. Ауылшаруашылығы басқармасының берген ақпаратына сәйкес, бүгінгі таңда дәнді — дақылдарды жинау науқаны толығымен аяқталған. Азықтық дақылдарды жинау барысы 95%-ды құрап отыр. Картоптың жалпы өнімі 428,3 мың тонна, ал орташа түсім 188 ц/га көрсетті. Сондай-ақ майлы дақыл жинау жұмысы басталған.
Астықты жинау жұмыстарында 15 мыңнан астам түрлі техника жұмылдырылған. Дизельдік жанармаймен қамтамасыз ету мәселесі шешілген. Ауылшаруашылығы тауар өндірушілері үшін жеңілдетілген бағамен 27 мың тонна жанар – жағармай бөлінді.
Сонымен қатар орылған өнімді сақтауға дайындық жұмысы тиісінше жүргізілген. Облыстағы элеваторлар мен нан қабылдау кәсіпорындары 567 мың тонна дәнге дейін сақтау мүмкіндігін береді және облысымыздың шаруашылықтарында жалпы сыйымдылығы 1 млн. тоннаға дейінгі өнім сақтау қоймалары бар.
Айта кету керек, 2014 жылмен салыстырғанда мал азығы дақылдарының көлемі 10 мың гектарға өскен. Сондай-ақ 16 мың тоннаны құрайтын субсидияланатын минералды тыңайтқыштар көлемі 1,4 есеге артқан.
ШҚО әкімінің баспасөз қызметі.
