Қала көшелерін уақтылы қардан тазалауға қажетті техникалар дайын. Инертті материалдар қоры да жеткілікті. Алдағы қыстың қалай өтетіні беймәлім. Десе де қысқа қажетті барлық жағдай жасалған.
Қазіргі таңда қала жолдарын қардан тазалау жұмыстарымен «Семей» көгалдандыру және көркейту МКК және оның қосалқы мердігер ұйымдары «Гордорстрой» ЖШС, «Озон» ЖШС, «Баймағамбет» ЖШС айналысады.
— Келісім бойынша қыс мезгілінде қала жолдарын тазалау 1 қараша айынан басталуы керек. Алайда, осыған қарамастан, мердігер ұйымдар алдын ала дайындалды. Демалыс күнгі қардың түсуіне байланысты, көшелерді тазалау мен қиылыстарға, аялдамалар мен өр жерлерге құм себу жұмыстары басталып кетті, — дейді ТҮКШ бөлімінің мамандары.
Қазіргі таңда қаламызда алғашқы түскен қарды тазалау жұмыстары жал-ғасып жатыр. Осы мақсатта қала жолдарына 24 техника мен 76 жұмысшы тартылған. Тазалау жұмыстары барысында шаһардың маңызды деген көшелеріне құм себу жұмыстары жүргізілді. Айта кетуіміз керек, бұған дейін ТҮКШ бөлімі жол – патрульдік полициясы және ТЖБ қызметкерлерімен бірлесе коммуналдық техникаларға тексеру өткізді. Нәтиже-сінде арнайы комиссия техникалардың қысқы маусымға толықтай дайын екеніне көз жеткізді.
«СТ — ақпарат»
