Елбасының Қазақстан халқына жолдаған Жолдауы – болашақтың бағыты. Қазақстан- жолы — 2050: стратегиясы – бір мақсат, бір мүдде, бір болашақ. Жолдаудың әрбір қағидалары жеке-жеке әрбір қазақстандықтарға арналып отыр.
Біз күні кеше ғана тәуелсіздігіміздің тізгінін қолымызға алған халықпыз. Дүбірлетіп 22 жылдығын тойлап, өткен жылдарымызға ой жүгіртіп, болашаққа көз тігіп, соған жету үшін басты құндылық — тәуелсіздікті жоғалтып алмай, алға нық қадам басу.
{jcomments on}«Нұр Отан» партиясының ХV съезінде құпталған саяси доктринаның негізінде біз “мәңгілік ел” болуға белімізді бекем буған халықпыз. Биылғы «Қазақстан жолы-2050: Бір мақсат, бір мүдде, бір болашақ» атты Жолдауда баса айтылған «Мәңгілік Ел болу» идеясы – бізге беріліп отырған тапсырма, аманат. Ендеше, болашақ ұрпақты тәрбиелеуде туған елін, туған жерін, туған Отанын сүйетін патриоттық сезімді жүректеріне ұялата білген, қатарластарына ісімен, болмысымен, адамгершілігімен ұлттық намысын жоғары ұстаған жандардың көп болуына атсалысуымыз керек.
Бұл адамдар – өздеріне жүктелген лауазымды қызметін адал, үлкен жауапкершілікпен атқарып жүрген мемлекеттік қызметкерлер, көздері ашық, көңілдері ояу зиялы қауым– ұстаздар мен дәрігерлер, экономиканы дамытуға ауқымды үлес қосып жүрген шағын және орта бизнес саласының қызметкерлері, аялы алақандарымен көмекке зәру, қамқорлыққа мұқтаж жандарға өмір сүруге деген сенімдері мен құштарлықтарын жоғалтпауға жәрдемдесіп жүрген әлеуметтік сала қызметкерлері, мемлекетіміздің болашағы – жастар.
Жолдаудағы айтылған мемлекетіміздің зор қамқорлығы – ол осы сала қызметкерлерінің 2015, 2016 жылдары жалақыларының өсуі. Мүмкіндігі шектеулі азаматтарға назар аударылуын, ол үшін бизнес 5-10 адамнан болсын еңбек етуге жағдай туғызуы тиіс екендігін, Үкіметке бұл туралы арнайы квота енгізілуін қарастыруды тапсырды. Әрине, бұл хабар үлкен ықыласпен тыңдалып, зор қуанышпен қабылданды.
Елбасымыздың жыл сайынғы Жолдауында ерекше орын алатын қағида – қазақстандықтардың әл-ауқатын жақсарту. Бұл Жолдауда ол тағы да ауқымды орын алып отыр. Шағын және орта бизнесті жанұялық бизнеске айналдырып, атадан балаға мирас болып қалатындай етіп қалыптастыру. Ол үшін оқу керек, үйрену керек.
Мемлекетіміздегі барша халықтың жүрегіне үлкен жылулық әкелген, болашаққа деген үлкен сенім сыйлаған Жолдауды орындау, насихаттау – баршамыздың ортақ міндетіміз.
Рысхан Жанкүшікова,облыстық мәслихаттың депутаты, ШҚО әкімінің қоғамдық көмекшісі.
