Қаңтардың 17 күні Елбасының «Қазақстан жолы 2050: бір мақсат, бір мүдде, бір болашақ» атты Жолдауын барша семейліктермен бірге орталық полиция бөлімінің жеке құрамы арасында талқылауға арналған жиын өтті. Жиынды Семей қалалық орталық полиция бөлімі бастығының орынбасары, полиция подполковнигі Мұрат Танашұлы Құлжабаев ашып, Президент Жолдауының мән- маңызына жете тоқталды. Дәстүрлі Жолдау несімен құнды? Ол біріншіден, 2050 стратегиясының мән-мағынасын ашып айтса, екіншіден, 2050 жылға дейінгі Қазақстанның даму бағдарын айқын сараланды, ал үшіншіден, Қазақстанның әлемдегі 30 елдің қатарына енуі әр қазақстандықтың тер төкті еңбегіне байланысты екендігін түсіндіруімен маңызды. Елбасы Жолдауының әрбір сөйлемі елдік мұраттарға жауап береді. Сондықтан, алға қойылған міндеттердің қай қайсысы болса да өте маңызды.
— Елбасының дәстүрлі Жолдауы барша жұртқа, соның ішінде құқық қорғау органдары қызметкерлеріне де ерекше жігер берді. Соңғы жылдары құқық саласының қызметкерлерінің тұрмыстық жағдайлары, еңбекақы мәселесі едәуір жақсарды. Олай деуімізге Жолдаудың шешуші 35 тезисіндегі «Заң алдындағы тепе-теңдік- құқық қорғаудың шынайы негізіне айналуы тиіс» деуі бүкіл құқық қорғау жүйесінің жұмыс сапасын арттыру деп нақты айтылған. Бұл- біздерге, құқық қорғау саласы қызметкерлеріне деген алға қойған үлкен мүдделі мақсаттардың орындалуына зор сеніммен қарау екенін ұғуға болады. Ендеше, әркім өзі атқаратын жұмыстарына, алдына нақты мақсат қойса, сол мақсатты орындауға таптырмайтын талпыныс болса, елдік мұратқа қол жеткізуге болады — деп аяқтады сөзін подполковник.
{jcomments on}М. Құлжабаевтан соң, Жолдауға үн қосқан әкімшілік полиция бөлімше бастығы, полиция капитаны Р.Қалиев, учаскелік аға инспектор, полиция майоры Қ.Оспанов, кәмелеттік жасқа толмағандар ісі жөніндегі инспекциясының аға инспекторы, полиция капитаны Г. Жұма-ғұлова, тергеу бөлімі басшысының орынбасары, полиция майоры Б. Түсіпбеков, жедел уәкіл полиция майоры А.Керімханов және сержант И.Искаковтар Жолдаудан өздеріне үлкен қолдау тауып, оны одан әрі дамытуға барлық күш-жігерлерімен аянбай еңбек етеміз және «бір мақсат, бір мүдде, бір болашаққа» нық қадам басамыз деген сенім білдірді.
Жиын соңында орталық полиция бөлімінің жеке құрамы Жолдаудағы берілген жігер бізді зор мақсаттарға жетелейді. Діттеген межеден шығу, ойға алған мақсаттарды толығымен орындау –ол үлкен сын. Осы сынды жұмыла көтеріп,одан сүрінбей өту- барша құқық қорғау қызметкерлеріне басты міндет болып саналады деген сеніммен тарқасты.
Шара Мамашқызы,
Семей қаласы.
