Семей қаласында жалпы білім беретін мектеп оқушылары мен студенттер арасында SAGE Kazakhstan халықаралық білім беру бағдарламасының облыстық бизнес жобалар байқауы болып өтті.
Шығыс Қазақстан облысы Кәсіп-керлер палатасы бастамасымен ұйым-дастырылған аталмыш байқауды облыстық білім басқармасы мен шаһарымыздағы Бизнес колледжінің ұжымы бірлесе өткізді. Халықаралық білім беру бағдарламасының облыстық бизнес жобалар байқауына Шығыс Қазақстанның әр аймағынан келген 13 пен 19 жас аралығындағы оқушылар мен кәсіптік және техникалық мамандықтар бойынша білім алатын студенттер, сондай-ақ РФ Алтай өлкесінің колледж студенттері қатысты. Байқаудың негізгі мақсаты жастардың кәсіби бағдар алуына ықпал етіп, бизнес мектептің қалыптасуына, дарынды жастардың бастамаларына қолдау көрсету болды.
Бизнес жобалар байқауына қатысуға кәсіптік және техникалық мамандықтар бойынша білім беретін оқу орындары мен жалпы білім беретін орта мектептерден барлығы 62 өтініш келіп түсіпті. Ал байқау «Жеке іс», «Шығыс Қазақстан облысына арналған бизнес жоспар – экономикалық реформа бағдарламасы», «Инновациялық кәсіпкерлік», «Агробиз-нес», «Әлеуметтік маңызды мәселелерді шешу негізі – әлеуметтік жобасы» сынды бес аталым бойынша өтті.
Жастардың жобаларын Шығыс Қазақстан облысы мен Алматы қала-сының жетекші ұйымдарының білікті мамандары, «Даму» кәсіпкерлікті дамыту қоры» АҚ, Д.Серікбаев атындағы Шығыс Қазақстан мемлекеттік техникалық университеті мен С.Аманжолов атындағы Шығыс Қазақстан мемлекеттік уни-верситетiнің және Шығыс Қазақстан облысы Кәсіпкерлер палатасының мамандары бағалады.
Айта кетуіміз керек, облыстық байқаудың бағдарламасы аясында қатысушылар жұмыс істеп тұрған кәсіпорындармен нақты танысу мақ-сатында шаһарымыздағы «Юникс» ЖШС мен «Роза» ЖШС мекемелерінде болды. Сондай-ақ шара аясында оқушылар мен студенттерге шеберлік сыныптары өткізіліп, жастардың шығармашылық жұмыстарының көрмесі ұйымдастырылды. Ал байқаудың қоры-тындысы бойынша қатысушылар атылымдар бойынша марапатталды. Ең бастысы, облыстық байқаудың жеңімпаздары SAGE Kazakhstan рес-публикалық байқауына қатысуға мүм-кіндік алды.
Асан МЫРЗАХАН, «Семей таңы»
