{jcomments off}Туристік фирмалар өкілдерімен өткен кездесу барысында Ермак Сәлімов әкімдік жанынан ішкі туризмді дамыту бойынша сектор құрылатынын айтты. 3 адамнан тұратын штат ішкі туризмді дамыту мәселесі бойынша жұмыс жасамақ.
Қала басшысы бұл орынға бұрынғы мемлекеттік қызметкерлер алынбайтынын ескертті. Секторда туристік бизнес саласында қызмет етіп жүрген азаматтар қарастырылады.
Секторды құру туралы ұсынысқа турфирма өкілдері бірден қолдау білдірді. Қатысушылардың көбі жаңа ведомство штатына кіруге ниет білдіріп, бұл саладағы мәселелер көп екенін және оларды бірлесіп шешу керектігін атап өтті.
Қала қонақтарынның басым бөлігін көне ғимараттар қызықтырады, әсіресе жүздеген жылдық тарихы бар көпес үйлері мен мұнаралар туристердің назарынан тыс қалмаған. Осы ретте туристік фирмалар саяхат бағыттарын құруды ұсынды.
Ішкі туризмді дамыту мақсатында жұмыс тобы құрылады. Аталған топ өлкетанушылар және мұражай қызметкерлері мен бірлесе жұмыс атқармақ.
Облыстың туристік әлеуетін дамыту жұмыстары Елбасы қабылдауында болған облыс әкімі Д.Ахметовтің тікелей басшылығымен жүзеге асуда.
Семей ақпараттық орталығы.
