Бүгінгі таңда сатылып алынған 50 автобустың 18-і жолға шықты. Тағы 11 автобус соңғы дайындық кезеңінен өтуде.
«Таксомоторный парк» ЖШС атқарушы директоры Владимир Халин барлық көліктер жергілікті «СемАз» автоқұрастыру зауытынан сатылып алынғанын жеткізді. Аталмыш ұйым, көлік туралы заңға сәйкес, көліктерді үнемі жаңартып отырады. Автопаркті жаңарту қандай да бір құрылымдардың қатысуынсыз өтуде. Бір автобустың құны 10 миллион теңгеден асады.
Жаңа автобустар 18 орынға есептелген. Аязды күндері жолаушылар қолайлылығы үшін көліктерде қосымша пештер орнатылмақ.
Жаңа көліктер №№25, 28, 39 бағыттар бойынша қызмет көрсетуде. Жалпы, шағын класты автобустар 14 бағытта жолға шығатын болады.
Жыл соңына дейін «Таксомоторный парк» ЖШС тағы 30 автобус сатып алуды жоспарлап отыр.
Семей қаласының әкімі Ермак Сәлімов автобус парктерін қала тұрғындары мен қонақтарының жайлы жағдайда қозғалуы үшін жаңарту қажет екенін бірнеше рет атап өткен болатын.
Семей ақпараттық орталығы. {jcomments off}
