Шығыс Қазақстан облысының әкімі Даниал Ахметовтің тапсырмасы бойынша бұрынғы Жедел медициналық жәрдем ауруханасы ғимараты Семей Перинаталдық орталығына берілді. Қазіргі таңда жобалық құжаттамалар дайындалып, мемлекеттік сараптама өткізілуде.
— Біз қазір барлық жаңа туған нәрестелерді бір айға дейін перзентханада қабылдаймыз,- деп мәлімдеді Перниталдық орталық директоры А.Дайырбеков. — Бізге берілетін қосымша корпуста балалар мен олардың аналары үшін қосымша төсектер орналастырамыз. Болашақта бұл үлкен көпсалалы кешен болмақ.
Облыстың денсаулық сақтау жүйесінің тиімділігін арттыру аясында орталық 2017-2018 жылдары жоғары технологиялық медициналық жабдықтармен қамтамасыз етілді. Орталықтың негізгі мақсаты — халықаралық стандарттарға сәйкес медициналық көмек көрсететін көпсалалы клиникаға айналу. Кадрлар бар, жабдықтар бар, тек заманауи жайлы палаталар қажет.
Айта кетейік, МЖӘ аясында 200 орындық көпбейінді балалар ауруханасын салу жобасы әзірленуде. Ұшақтар кентінде салынатын медициналық мекемеге, балалар жұқпалы аурулар ауруханасы да кіретін болады. Нысан үшін арнайы жер телімі бөлінген.
Семей ақпараттық орталығы.{jcomments off}
