Қалалық мәслихаттың кезекті сессиясында дене шынықтыру және спорт бөлімінің басшысы Мұрат Құржықаев Семей қаласының жаңа туристік логотипін таныстырды.
М.Құржықаев биылғы жылдың ақпан айында қаланың үздік туристік логотипіне конкурс жарияланғанын айтты. Конкурсқа 20 эскиздік жұмыс келіп түсті. Мамандардың шешімі бойынша, Әділбек Қайсеновтің жұмысы үздік деп танылып, жас дизайнерге туристік фирмалар атынан 100 мың теңге көлеміндегі ақшалай сыйлық берілді .
— Логотип көп түсті болмауы керек. Үш түс жеткілікті. Логотип қысқа болуы қажет, әрі біздің қала туралы ақпарат беруі тиіс,-деді М.Құржықаев.
«М» әрпі — біздің аспалы көпір. Сонымен қатар логотипте еліміздің символы болып табылатын күн бейнеленген.
— Біз қазір Семей туралы жарнамалық бейнероликтер дайындаудамыз. Оларды әлеуметтік желілер, соның ішінде шетелдік платформалар арқылы таратамыз. Шетелдік әріптестермен келісім бар. Жаңа туристік логотип барлық бейнероликтерге орналастырылады,- деп нақтылады М.Құржықаев.
Туристік логотиптің негізгі түсі – жасыл түс. Ол біздің қаланы қоршап тұрған қарағайлы орманды бейнелейді. «Е» әріптерінің бірі қолында кесе ұстаған адамның бейнесіне ұқсайды. Бұл – қонақжайлықтың белгісі,- деді М. Құржықаев.
Естеріңізге сала кетейік, жыл басында қалалық спорт бөлімі жанынан туризм секторы құрылған болатын. Қазір мамандар біздің өңірге шетелдік туристерді тарту бойынша жобаларды әзірлеуде.
2018 жылы Семей қаласына 7 500-ден астам турист келген болатын.
Семей қаласының Ақпараттық орталығы.{jcomments off}
