Өткен сейсенбіде Шығыс Қазақстан облысының әкімі Бердібек Сапарбаев жұмыс бабымен Тарбағатай ауданында болды. Аудандағы тірек ауылдарының бірі болып саналатын Жәнтікей ауылына ат басын тіреген облыс басшысы осындағы жоғары білімді маман Жаннұр Төлендина ұйымдастырып, 11 адамды жұмыспен қамтамасыз еткен, 22 балалық «Айгерім» жеке меншік балабақшасының ашылу салтанатына қатысты. Сонымен қатар облыс әкімі осы ауылдағы жеке кәсіпкер Бақытбек Ожаевтің тауық фермасында болып, ондағы жұмыс жағдайларымен танысты.
Хамза СӘТИЕВ,
“Семей таңы”.
Екпін ауылындағы кәсіпкер азамат Болат Қойбағаров ұйымдастырған 50 балалық «Балбөбек», Ақсуат ауылындағы жеке кәсіпкер Қализада Олжас ашқан 50 балалық «Ақбота», Ақжар ауылындағы іскер азаматтардың бірі-Серік Ибраев ашқан «Айгөлек» жеке меншік балалар бақшасының пайдалануға берілу сәтіндегі қуаныштарына да облыс әкімі Бердібек Сапарбаев ортақтасып, мектепке дейінгі балаларды тәрбиелеу тұжырымдамаларына сай «Балбөбек» бағдарламасын жүзеге асыруға атсалысып жатқан іскер азамат-тарға ризашылық сезімін білдірді.
Облыс әкімінің Тарбағатай ауданы активімен Ақсуатта өткізген жиыны биыл-ғы шаруашылық жылын табысты қорытындылау, жыл аяғына дейінгі қалған уақытты тиімді пайдалану мәселелеріне арналды. Елбасы алға қойған тапсырмаларды орындау жолында облыс бо-йынша атқарылып жатқан жұмыстарға, экономикалық-әлеуметтік салалардағы жетістіктерге жан-жақты тоқталған өңір басшысы ортақ іске тарбағатайлықтардың да айта қаларлықтай үлес қосып отырғанын атап көрсетті.
Мемлекеттік бағдарламаларды жүзеге асырудағы биылғы жылдың жетістіктері, жылды қорытындылау болжамдары Тарбағатай ауданының әкімі Ділдабек Оразбаевтың жасаған баяндамасында кеңінен көрініс тапты. Аудан бойынша жоспарлы істердің негізгі көрсеткіштері орындалғанмен, өнеркәсіп, инвестиция тарту салаларының көңілдегідей болмай отырғаны айтылғанда облыс әкімі ескерту жасап, инвестиция мәселесіне дұрыс есеп жүргізілмей отырғанын сынады. Мысалы, біреу өз қаражатына үй тұрғызса, қымбат көлік сатып алса, ол да ауылға келген инвестиция. Демек, қолда барды есепке алып, көрсете білсе, бұл саланың да өз жетістіктері айқындалатыны мәлім болды.
Жиынды қорытындылай сөйлеген сөзінде облыс әкімі Елбасы тапсырмаларын орындау, ол үшін ең алдымен өндірісті дамыту, аудан жағдайында мал басын өсіру мен мал тұқымын асылдандыру, суармалы егістіктің көлемін көбейту, шағын және орта бизнеске кең жол ашу, «Жұмыспен қамту-2020» бағдар-ламасы туғызып отырған мүмкіндіктерді пайдалану қажеттігін де баса айтты. Биылғы жылға жоспарланған құрылыс-тарды жыл аяғына дейін толықтай бітіру, мал сатып алып өсіру үшін жеке азаматтар мемлекеттен алған несие ақшаның қайтарылымын қадағалау, мектептердегі жас ұрпаққа білім берудің сапасын арттыру, шәкірттерге ыстық тамақ, бал мен сүт беру, қоғамдық тәртіптің сақталуын қадағалап, қылмыстың алдын алу жөніндегі міндеттерге де өңір басшысы кеңінен тоқталды.
Іскерлік жұмыс сапары аясында облыс әкімі Ақсуаттағы және Ақжардағы арнайы ашылған ардагерлер үйлеріне баруға да уақыт тауып, аға ұрпақ өкілдерімен жүздесті, пікірлесті. Аудан басшысының ақ сақалды ел ағаларымен, өмір көрген тұлғалармен тіл табысып, олардың арыз-армандарын ескеріп, ақыл-кеңестерін тыңдап, ынтымақта жұмыс жүргізіп отырғанын жақсылықтың нышаны ретінде бағалайтынын айтты
